July 6, 2022

Aone Punjabi

Nidar, Nipakh, Nawi Soch

ਓਮੀਕ੍ਰੋਨ ਦੇ ਕਾਰਨ ਟਲੇਗਾ ਟੀਮ ਇੰਡੀਆ ਦਾ ਦੱਖਣੀ ਅਫਰੀਕਾ ਦੌਰਾ, BCCI ਸਕੱਤਰ ਜੈ ਸ਼ਾਹ ਦਾ ਬਿਆਨ

1 min read

ਭਾਰਤੀ ਕ੍ਰਿਕਟ ਟੀਮ ਦਾ ਦੱਖਣੀ ਅਫਰੀਕਾ ਦੌਰਾ ਰੁਕ ਗਿਆ ਹੈ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੀ ਸਾਲਾਨਾ ਬੈਠਕ ਤੋਂ ਪਹਿਲਾਂ ਸਕੱਤਰ ਜੈ ਸ਼ਾਹ ਨੇ ਕਿਹਾ ਕਿ ਭਾਰਤੀ ਟੀਮ ਬਾਅਦ ‘ਚ ਦੱਖਣੀ ਅਫਰੀਕਾ ‘ਚ 3 ਟੈਸਟ, 3 ਵਨਡੇ ਤੇ ਟੀ-20 ਖੇਡੇਗੀ। ਹਾਲਾਂਕਿ ਇਹ ਟੂਰ ਹੁਣ ਕਦੋਂ ਹੋਵੇਗਾ ਇਹ ਸਪੱਸ਼ਟ ਨਹੀਂ ਹੈ। ਸ਼ਡਿਊਲ ਮੁਤਾਬਕ ਟੀਮ ਇੰਡੀਆ ਨੇ 9 ਦਸੰਬਰ ਨੂੰ ਜੋਹਾਨਸਬਰਗ ਲਈ ਰਵਾਨਾ ਹੋਣਾ ਸੀ। ਇਸ ਤੋਂ ਬਾਅਦ 17 ਦਸੰਬਰ 2021 ਤੋਂ 26 ਜਨਵਰੀ 2022 ਤਕ 3 ਵਨਡੇ, 3 ਟੈਸਟ ਅਤੇ 4 ਟੀ-20 ਮੈਚ ਖੇਡੇ ਜਾਣੇ ਸਨ। ਬੀਸੀਸੀਆਈ ਦੀ ਸਾਲਾਨਾ ਮੀਟਿੰਗ ਅੱਜ ਹੋਣ ਜਾ ਰਹੀ ਹੈ, ਜਿਸ ਵਿਚ ਹੋਰ ਮੁੱਦਿਆਂ ਦੇ ਨਾਲ-ਨਾਲ ਦੱਖਣੀ ਅਫਰੀਕਾ ਦੌਰੇ (2021-22 ਵਿਚ ਦੱਖਣੀ ਅਫਰੀਕਾ ਵਿਚ ਭਾਰਤੀ ਕ੍ਰਿਕਟ ਟੀਮ) ਬਾਰੇ ਵੀ ਚਰਚਾ ਕੀਤੀ ਜਾਵੇਗੀ।ਮੀਡੀਆ ਰਿਪੋਰਟਾਂ ਮੁਤਾਬਕ ਬੀਸੀਸੀਆਈ ਨੇ ਹਾਲੇ ਤਕ ਦੌਰੇ ਨੂੰ ਰੱਦ ਕਰਨ ਬਾਰੇ ਕੋਈ ਫੈਸਲਾ ਨਹੀਂ ਲਿਆ ਹੈ ਪਰ ਕਿਹਾ ਜਾ ਰਿਹਾ ਸੀ ਕਿ ਬੋਰਡ ਖਿਡਾਰੀਆਂ ਨੂੰ ਖਤਰੇ ਵਿਚ ਨਹੀਂ ਪਾਉਣਾ ਚਾਹੁੰਦਾ। ਇਹੀ ਕਾਰਨ ਹੈ ਕਿ ਕ੍ਰਿਕਟ ਦੱਖਣੀ ਅਫਰੀਕਾ (ਸੀਐਸਏ) ਨੂੰ ਕੁਝ ਸਮੇਂ ਲਈ ਦੌਰਾ ਮੁਲਤਵੀ ਕਰਨ ਲਈ ਕਿਹਾ ਜਾਵੇਗਾ। ਹਾਲਾਂਕਿ CSA ਕਹਿ ਰਿਹਾ ਹੈ ਕਿ ਮੈਚ ਸਾਰੇ ਕੋਰੋਨਾ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਕਰਵਾਏ ਜਾਣਗੇ।

ਦੱਖਣੀ ਅਫਰੀਕਾ ਵਿਚ ਮਾਮਲੇ ਲਗਾਤਾਰ ਵੱਧ ਰਹੇ ਹਨ

ਸੀਐਸਏ ਨਿਯਮਾਂ ਦੀ ਪਾਲਣਾ ਕਰਨ ਦੀ ਗੱਲ ਕਰ ਰਿਹਾ ਹੈ ਪਰ ਦੱਖਣੀ ਅਫਰੀਕਾ ਵਿਚ ਓਮੀਕ੍ਰੋਨ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ। ਤਿੰਨ ਦਿਨ ਪਹਿਲਾਂ ਇੱਥੇ ਰੋਜ਼ਾਨਾ 4500 ਕੇਸ ਆ ਰਹੇ ਸਨ, ਜੋ ਦੋ ਦਿਨ ਪਹਿਲਾਂ ਵੱਧ ਕੇ 8000 ਕੇਸ ਹੋ ਗਏ ਅਤੇ ਹੁਣ ਇਹ ਅੰਕੜਾ ਰੋਜ਼ਾਨਾ 14500 ਕੇਸਾਂ ਤੱਕ ਪਹੁੰਚ ਗਿਆ ਹੈ। ਅਜਿਹੇ ‘ਚ ਮੰਨਿਆ ਜਾ ਰਿਹਾ ਹੈ ਕਿ ਜੇਕਰ ਬਾਇਓਬਬਲ ਦੀ ਗੱਲ ਕੀਤੀ ਜਾਵੇ ਤਾਂ ਖਿਡਾਰੀਆਂ ਦੇ ਸੰਕਰਮਿਤ ਹੋਣ ਦਾ ਖਤਰਾ ਬਹੁਤ ਜ਼ਿਆਦਾ ਹੈ।

Leave a Reply

Your email address will not be published. Required fields are marked *