ਕਾਨੂੰਨ ਰੱਦ ਦਾ ਫ਼ੈਸਲਾ ਚੰਗਾਂ ਪਰ ਕਿਸਾਨਾਂ ਦੀ ਸ਼ਹਾਦਤ ਭੁਲਾਇਆਂ ਵੀ ਨਹੀਂ ਭੁਲਣੀ

ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਮਜੀਠਾ ਦੇ ਸੀਨਿਅਰ ਆਗੂ ਅਤੇ ਸਰਪੰਚ ਮਨਪ੍ਰੀਤ ਸਿੰਘ ਉੱਪਲ ਨੇ ਕਿਹਾ ਕੇ ਅੱਜ ਦੁਨਿਆਂ ਭਰ ਵਿਚ ਸਭ ਤੋਂ ਵੱਡੇ ਸੰਗਰਸ਼ ਕਿਸਾਨ ਅੰਦੋਲਨ ਦੀ ਜਿੱਤ ਹੋਈ ਹੈ ਤੇ ਕੇਂਦਰ ਦੀ ਮੋਦੀ ਸਰਕਾਰ ਨੂੰ ਤਿੰਨੇ ਕਾਲੇ ਕਨੂੰਨ ਬਿਨਾ ਸਰਤ ਵਾਪਸ ਲੈਣੇ ਪਏ ਪਰ ਇਸ ਵੱਡੇ ਜੇਤੂ ਕਿਸਾਨ ਸੰਗਰਸ਼ ਵਿਚ ਸ਼ਹੀਦ ਹੋਏ ਕਿਸਾਨਾਂ ਦੀਆਂ ਸ਼ਹੀਦੀਆਂ ਨੂੰ ਵੀ ਭੁਲਾਇਆ ਨਹੀਂ ਜਾ ਸਕਦਾ। ਉਨਾਂ ਕਿਹਾ ਕੇ ਜਿੱਥੇ ਉਹ ਬਹੁਤ ਦੇਰ ਨਾਲ ਲਏ ਗਏ ਇਸ ਫੈਸਲੇ ਦਾ ਸਵਾਗਤ ਕਰਦੇ ਹਨ। ਉਥੇ ਕੇਂਦਰ ਸਰਕਾਰ ਨੂੰ ਐੱਮਐੱਸਪੀ ਤੇ ਤੁਰੰਤ ਕਨੂੰਨ ਬਣਾਉਣ ਦੀ ਮੰਗ ਕਰਦਿਆਂ ਸਾਰਿਆਂ ਕਿਸਾਨ ਜਥੇਬੰਦਿਆਂ, ਮਜਦੂਰ ਜਥੇਬੰਦਿਆਂ ਦੇ ਨਾਲ ਨਾਲ ਹਰ ਉਸ ਵਰਗ,ਧਰਮ ਜਾਤੀ ਦੇ ਵੀਰ ਭੈਣ ਭਰਾ ਨੂੰ ਵਧਾਈ ਦਿੱਤੀ ਜਿੰਨਾ ਕਿਸੇ ਵੀ ਰੂਪ ਚ ਇਸ ਸਚੇ ਸੁੱਚੇ ਕਿਸਾਨ ਸੰਗਰਸ਼ ਵਿਚ ਆਪਣਾ ਜੋਗਦਾਨ ਪਾਇਆ। ਸਰਪੰਚ ਉੱਪਲ ਨੇ ਕਿਹਾ ਕੇ ਅੱਜ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪਵਿੱਤਰ ਪ੍ਰਕਾਸ਼ ਦਿਹਾੜੇ ਤੇ ਉਨਾਂ ਦੀ ਅਪਾਰ ਕਿਰਪਾ ਸਦਕਾ ਇੱਕ ਤਾਨਾਸ਼ਾਹੀ ਸਰਕਾਰ ਦਾ ਹੰਕਾਰ ਚਕਣਾ ਚੂਰ ਹੋਇਆ ਹੈ ।