ਭਾਰਤ ਨੂੰ ਲੱਗੇ ਲਗਾਤਾਰ ਦੋ ਝਟਕੇ, ਸਾਹਾ ਤੇ ਅਸ਼ਵਿਨ ਪਰਤੇ ਵਾਪਸ

 ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਮੁੰਬਈ ਵਿੱਚ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਦਾ ਦੂਜਾ ਮੈਚ ਖੇਡਿਆ ਜਾ ਰਿਹਾ ਹੈ। ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਦੇ ਹੋਏ ਭਾਰਤ ਨੇ ਪਹਿਲੇ ਦਿਨ ਦੀ ਖੇਡ ਖਤਮ ਹੋਣ ਤੱਕ 4 ਵਿਕਟਾਂ ਦੇ ਨੁਕਸਾਨ ‘ਤੇ 221 ਦੌੜਾਂ ਬਣਾ ਲਈਆਂ ਸਨ। ਖ਼ਬਰ ਲਿਖੇ ਜਾਣ ਤੱਕ ਭਾਰਤ ਨੇ 6 ਵਿਕਟਾਂ ਦੇ ਨੁਕਸਾਨ ‘ਤੇ 224 ਦੌੜਾਂ ਬਣਾ ਲਈਆਂ ਸਨ।

ਦੂਜੇ ਦਿਨ ਭਾਰਤ ਦੀ ਬੱਲੇਬਾਜ਼ੀ

ਭਾਰਤ ਨੇ ਪਹਿਲੇ ਦਿਨ 221 ਦੌੜਾਂ ਦੇ ਸਕੋਰ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ ਅਤੇ ਉਸ ਨੂੰ ਲਗਾਤਾਰ ਦੋ ਝਟਕੇ ਲੱਗੇ। ਏਜਾਜ਼ ਪਟੇਲ ਨੇ ਸਾਹਾ ਨੂੰ 27 ਦੌੜਾਂ ਦੇ ਸਕੋਰ ‘ਤੇ ਐਲਬੀਡਬਲਿਊ ਕੀਤਾ, ਜਿਸ ਤੋਂ ਬਾਅਦ ਅਗਲੀ ਗੇਂਦ ‘ਤੇ ਆਰ ਅਸ਼ਵਿਨ ਕਲੀਨ ਬੋਲਡ ਹੋ ਗਏ।

ਮੁੰਬਈ ਟੈਸਟ ਦੇ ਪਹਿਲੇ ਦਿਨ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਸ਼ੁਭਮਨ ਗਿੱਲ ਨੇ ਮਯੰਕ ਨਾਲ 80 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਤੋਂ ਬਾਅਦ ਗਿੱਲ 44 ਦੌੜਾਂ ਬਣਾ ਕੇ ਆਊਟ ਹੋਏ ਤਾਂ ਪੁਜਾਰਾ ਬਿਨਾਂ ਖਾਤਾ ਖੋਲ੍ਹੇ ਵਾਪਸ ਪਰਤ ਗਏ। ਕੈਪਟਨ ਕੋਹਲੀ ਨੂੰ ਵਿਵਾਦਤ ਫੈਸਲੇ ਕਾਰਨ ਜ਼ੀਰੋ ‘ਤੇ ਆਊਟ ਹੋਣ ਤੋਂ ਬਾਅਦ ਵਾਪਸੀ ਕਰਨੀ ਪਈ। ਇਸ ਤੋਂ ਬਾਅਦ ਮਯੰਕ ਨੇ ਸੈਂਕੜਾ ਜੜਿਆ ਤਾਂ ਵਿਕਟਕੀਪਰ ਰਿਧੀਮਾਨ ਸਾਹਾ ਨੇ ਉਸ ਦਾ ਸਾਥ ਦਿੱਤਾ। ਪਹਿਲੇ ਦਿਨ ਦੀ ਖੇਡ ਖ਼ਤਮ ਹੋਣ ਤੱਕ ਮਯੰਕ 120 ਅਤੇ ਸਾਹਾ 25 ਦੌੜਾਂ ਬਣਾ ਕੇ ਖੇਡ ਰਹੇ ਸਨ।

ਭਾਰਤ ਦੀ ਪਲੇਇੰਗ ਇਲੈਵਨ

ਸ਼ੁਭਮਨ ਗਿੱਲ, ਮਯੰਕ ਅਗਰਵਾਲ, ਚੇਤੇਸ਼ਵਰ ਪੁਜਾਰਾ, ਵਿਰਾਟ ਕੋਹਲੀ (ਸੀ), ਸ਼੍ਰੇਅਸ ਅਈਅਰ, ਰਿਧੀਮਾਨ ਸਾਹਾ (ਡਬਲਯੂ.), ਜਯੰਤ ਯਾਦਵ, ਅਕਸ਼ਰ ਪਟੇਲ, ਆਰ ਅਸ਼ਵਿਨ, ਮੁਹੰਮਦ ਸਿਰਾਜ ਅਤੇ ਉਮੇਸ਼ ਯਾਦਵ।

ਨਿਊਜ਼ੀਲੈਂਡ ਪਲੇਇੰਗ ਇਲੈਵਨ

ਟੌਮ ਲੈਥਮ (ਸੀ), ਵਿਲ ਯੰਗ, ਡੈਰਿਲ ਮਿਸ਼ੇਲ, ਰੌਸ ਟੇਲਰ, ਹੈਨਰੀ ਨਿਕੋਲਸ, ਟੌਮ ਬਲੰਡਲ (ਡਬਲਯੂ.ਕੇ.), ਰਚਿਨ ਰਵਿੰਦਰਾ, ਕਾਇਲ ਜੇਮਸਨ, ਟਿਮ ਸਾਊਦੀ, ਏਜਾਜ਼ ਪਟੇਲ, ਵਿਲੀਅਮ ਸੋਮਰਵਿਲ।