July 1, 2022

Aone Punjabi

Nidar, Nipakh, Nawi Soch

ਹਰਿਆਣਾ ’ਚ ਵੱਡਾ ਹਾਦਸਾ, ਦਿੱਲੀ ਚੰਡੀਗੜ੍ਹ ਹਾਈਵੇ ’ਤੇ ਅੰਬਾਲਾ ’ਚ 3 ਟੂਰਿਸਟ ਬੱਸਾਂ ਟਕਰਾਈਆਂ, 5 ਦੀ ਮੌਤ, ਕਈ ਜ਼ਖ਼ਮੀ

1 min read

ਹਰਿਆਣਾ ਦੇ ਅੰਬਾਲਾ ’ਚ ਵੱਡਾ ਹਾਦਸਾ ਹੋ ਗਿਆ। ਦਿੱਲੀ ਚੰਡੀਗੜ੍ਹ ਨੈਸ਼ਨਲ ਹਾਈਵੇ ’ਤੇ ਤਿੰਨ ਟੂਰਿਸਟ ਬੱਸਾਂ ਟਕਰਾ ਗਈਆਂ। ਹਾਦਸਾ ਅੰਬਾਲਾ ਦੇ ਹੀਲਿੰਗ ਟਚ ਹਸਪਤਾਲ ਦੇ ਕੋਲ ਹੋਇਆ ਹੈ। ਇਸ ’ਚ ਪੰਜ ਲੋਕਾਂ ਦੀ ਮੌਤ ਹੋ ਗਈ। ਚਾਰ ਇਕ ਬੱਸ ’ਚ ਅਤੇ ਇਕ ਦੂਸਰੀ ਬੱਸ ’ਚ ਯਾਤਰੀ ਸਵਾਰ ਸੀ। ਉਥੇ ਹੀ, ਹਾਦਸੇ ’ਚ ਕਰੀਬ 10 ਲੋਕ ਗੰਭੀਰ ਰੂਪ ’ਚ ਜ਼ਖ਼ਮੀ ਹੋ ਗਏ ਹਨ। ਸਾਰੇ ਜ਼ਖ਼ਮੀਆਂ ਨੂੰ ਹਸਪਤਾਲ ’ਚ ਭਰਤੀ ਕਰਾਇਆ ਗਿਆ। ਹਾਦਸਾ ਕਰੀਬ ਸਵੇਰੇ ਤਿੰਨ ਵਜੇ ਦੱਸਿਆ ਜਾ ਰਿਹਾ ਹੈ। ਇਕ ਬੱਸ ਡਿਵਾਈਡਰ ’ਤੇ ਚੜ ਗਈ। ਤਿੰਨੋਂ ਬੱਸਾਂ ਕੱਟੜਾ ਤੋਂ ਦਿੱਲੀ ਜਾ ਰਹੀਆਂ ਸਨ।

ਤਿੰਨਾਂ ਬੱਸਾਂ ਦਿੱਲੀ-ਚੰਡੀਗੜ੍ਹ ਨੈਸ਼ਨਲ ਹਾਈਵੇ ‘ਤੇ ਸਵੇਰੇ ਕਰੀਬ ਤਿੰਨ ਵਜੇ ਇਕੱਠੀਆਂ ਚੱਲ ਰਹੀਆਂ ਸਨ। ਫਿਰ ਇੱਕ ਬੱਸ ਅਚਾਨਕ ਰੁਕ ਗਈ। ਇਸ ਦੇ ਪਿੱਛੇ ਆ ਰਹੀਆਂ ਦੋਵੇਂ ਬੱਸਾਂ ਇਕ ਤੋਂ ਬਾਅਦ ਇਕ ਟਕਰਾ ਗਈਆਂ। ਚਸ਼ਮਦੀਦਾਂ ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਰੌਲਾ ਪੈ ਗਿਆ। ਯਾਤਰੀ ਖਿੜਕੀ ਤੋਂ ਛਾਲ ਮਾਰ ਕੇ ਬਾਹਰ ਨਿਕਲ ਗਏ। ਬੱਸ ਵਿੱਚ ਸਵਾਰ ਪੰਜ ਲੋਕਾਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚੋਂ ਚਾਰ ਅੱਗੇ ਬੱਸ ਵਿੱਚ ਸਵਾਰ ਸਨ ਅਤੇ ਇੱਕ ਪਿੱਛੇ ਵਾਲੀ ਬੱਸ ਵਿੱਚ। ਹਾਦਸੇ ਵਿੱਚ ਇੱਕ ਬੱਸ ਪੂਰੀ ਤਰ੍ਹਾਂ ਨੁਕਸਾਨੀ ਗਈ।

ਹਾਦਸੇ ਤੋਂ ਬਾਅਦ ਪਿਆ ਚੀਕ-ਚਹਾੜਾ

ਹਾਦਸੇ ਤੋਂ ਬਾਅਦ ਰੌਲਾ ਪੈ ਗਿਆ। ਹਾਈਵੇਅ ’ਤੇ ਸਵਾਰੀਆਂ ਬੱਸਾਂ ’ਚੋਂ ਉਤਰ ਗਈਆਂ। ਉਥੋਂ ਲੰਘ ਰਹੇ ਵਾਹਨ ਚਾਲਕਾਂ ਨੇ ਉਨ੍ਹਾਂ ਨੂੰ ਲੰਘਣ ਸਮੇਂ ਆਵਾਜਾਈ ਰੋਕ ਦਿੱਤੀ। ਉਥੇ ਪੁਲਸ ਨੂੰ ਸੂਚਨਾ ਦਿੱਤੀ ਗਈ। ਪੁਲਸ ਨੇ ਮੌਕੇ ‘ਤੇ ਪਹੁੰਚ ਕੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ। ਬੈਗ ਅਤੇ ਜੁੱਤੀਆਂ ਸੜਕਾਂ ‘ਤੇ ਪਈਆਂ ਸਨ।

ਯਾਤਰੀ ਜੰਮੂ ਤੋਂ ਦਿੱਲੀ ਜਾ ਰਹੇ ਸਨ

ਤਿੰਨੋਂ ਬੱਸਾਂ ਟੂਰਿਸਟ ਬੱਸਾਂ ਸਨ। ਪੁਲਸ ਮੁਤਾਬਕ ਇਸ ‘ਚ ਬੈਠੇ ਯਾਤਰੀ ਕਟੜਾ ਜੰਮੂ ਤੋਂ ਦਿੱਲੀ ਜਾ ਰਹੇ ਸਨ। ਅੰਬਾਲਾ ਪਹੁੰਚਣ ‘ਤੇ ਤਿੰਨੋਂ ਬੱਸਾਂ ਆਪਸ ‘ਚ ਟਕਰਾ ਗਈਆਂ। ਇਸ ਕਾਰਨ ਹਾਦਸਾ ਵਾਪਰ ਗਿਆ। ਇਸ ਦੇ ਨਾਲ ਹੀ ਖਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਇਹ ਹਾਦਸਾ ਧੁੰਦ ਕਾਰਨ ਵਾਪਰਿਆ ਹੋ ਸਕਦਾ ਹੈ।

ਇਹਨਾਂ ਦੀ ਹੋਈ ਮੌਤ

ਹਾਦਸੇ ਵਿੱਚ ਮੀਨਾ ਦੇਵੀ 44 ਛੱਤੀਸਗੜ੍ਹ, ਰਾਹੁਲ 21 ਸਾਲ ਝਾਰਖੰਡ, ਰੋਹਿਤ 53 ਸਾਲ ਛੱਤੀਸਗੜ੍ਹ, ਪ੍ਰਦੀਪ 22 ਖੁਸ਼ੀ ਨਗਰ ਉੱਤਰ ਪ੍ਰਦੇਸ਼ ਅਤੇ ਇੱਕ 30 ਸਾਲਾ ਅਣਪਛਾਤੇ ਵਿਅਕਤੀ ਦੀ ਮੌਤ ਹੋ ਗਈ।

Leave a Reply

Your email address will not be published. Required fields are marked *